✍🏻💑💑இயற்கை வாழ்வியல் முறை💑💑கணவன் மனைவி புரிதலுடன் வாழ.
💑💑💑💑💑💑
சொர்க்கத்தில் நிச்சயிக்கப்பட்ட திருமண வாழ்வு மொத்தமும் அங்கேயே தொடர்ந்தால், மகிழ்ச்சிக்குச் சொல்லவா வேண்டும்? தம்பதியரின் கைகளில்தான் அதற்கான மந்திரச் சாவியும் உள்ளது. 'இவன் எனக்குத்தானே', 'இவள் எங்கே போய்விடப்போகிறாள்?' என்கிற எண்ணத்தில், தனது இணைக்கு சின்னச் சின்ன சந்தோஷங்களுக்கான வாய்ப்பை அளிக்கத் தவறும்போது, அந்த உறவே சிக்கலாகிறது. தனது விருப்பம், ஆர்வம் எல்லாவற்றையும் ஒத்த அலைவரிசையில் தன்னைப் புரிந்துகொள்கிற இன்னொருவரிடம் கொட்டத் தொடங்கி, அதுவே ஆழமான நட்பாக வேரூன்றுகிறது. கணவன் மனைவிக்கு இடையில் உள்ள முடிச்சு அவிழ்ந்து, ஒரே வீட்டில் பெயருக்கு வாழ்வதில் என்ன இருக்கிறது? கணவன், மனைவி உறவு கசந்துவிடாமல் எப்பொழுதும் ஃபிரஷ்ஷாக உணர, சில விஷயங்களில் கவனம் செலுத்துவது முக்கியம். இதோ அவை...
💑💑💑💑💑💑
இருவரும் தினமும் ஏதாவது ஒரு விஷயத்துக்காக ஒருவரை ஒருவர் பாராட்டிக்கொள்ளுங்கள். அது, ரசம் நன்றாக இருந்தது என்றோ, காய்கறிகளைச் சரியாக நறுக்கினீர்கள் என்றோ இருக்கலாம்.
💑💑💑💑💑💑
எதிர்பாராத அணைப்பு, முத்தம் இருவரையும் அன்புத் தூண்டிலில் சிக்கவைக்கும். இதை இருவரும் பின்பற்றுங்கள்.
💑💑💑💑💑💑
ஒருவரது குறையை எந்தச் சூழலிலும் மற்றவர் குறிப்பிட்டுப் பேசக் கூடாது. இது, மனதில் கசப்புக்கான விதைகள் பரவாமல் தடுக்கும்.
💑💑💑💑💑💑
ஒருவர் ஏதாவது ஒரு விஷயத்தை சொல்லத் தொடங்கும்போது, மற்றவர் காதுகொடுத்து கேட்க வேண்டும். தன் பேச்சுக்கு மதிப்புள்ள இடத்தில் நம்பிக்கை பலப்படும்.
💑💑💑💑💑💑
தாம்பத்தியத்தில் ஒருவருக்கு விருப்பம் இல்லாதபோது, மற்றவர் தொந்தரவு செய்ய வேண்டாம். இருவருக்கும் தேவையான ஒன்று என்பதால், மற்ற பிரச்னைகளை மறந்து இதற்கும் நேரம் ஒதுக்குங்கள்.
💑💑💑💑💑💑
ஒரே மாதிரியான வாழ்க்கை முறை போரடிக்க செய்யும். பிடித்த இடங்களுக்குச் செல்ல திட்டமிடுங்கள். உங்கள் வாழ்வின் ஸ்டைலையும் அவ்வப்போது மாற்றிக்கொள்ளுங்கள்..உணவு, உடை உட்பட. வாழ்வதன் சுவாரஸ்யம் கூடும்.
💑💑💑💑💑💑
சோஷியல் மீடியாக்கள் இரண்டாவது துணை அல்லது இணை என்பது போல ஆகிவிட்டது. குடும்பத்தைப் பொறுத்தவரை தனி ஒருவரின் விருப்பத்தின் அடிப்படையில் முடிவுகளை எடுப்பதைத் தவிர்க்கலாம். இருக்கும் உறவுகளுக்குள் நட்பின் தன்மை மாறாமல் பார்த்துக்கொள்ளும்போது புதிய துணையோ, இணையோ தேவையிருக்காது
💑💑💑💑💑💑
ஒவ்வொருவரும் வீட்டில் இருப்பதைவிட வேலையிடத்தில் அதிக நேரம் இருக்கிறோம். அந்தச் சூழலில் நட்புடன் பழகுபவர்களுக்கு இடையில் ஆழமான புரிதல் இருக்க வாய்ப்புள்ளது. அதுபோன்ற உறவுகளை நட்பின் எல்லைக்குள் நிறுத்தவும். எல்லை தாண்டியே பழகினாலும் அது உரிமையற்ற உறவு. எப்போதும் மனதுக்குள் ஒரு பயத்தையும், குற்ற உணர்வையும் ஏற்படுத்திக்கொண்டே இருக்கும். இதுபோன்ற உறவுகள் கணவன் மனைவிக்குள் விரிசலை ஏற்படுத்தும். எல்லைக் கோட்டை தாண்டாமல் இருப்பதே வாழ்வு முழுமைக்குமான பாதுகாப்பு.
💑💑💑💑💑💑
காதலெல்லாம் திருமணத்துக்கு பிறகு கிடையாது என்று நினைக்க வேண்டாம். நம் மனசு எப்போதும் குழந்தைதான். கணவன், மனைவிக்குள் காதல் பகிர்ந்தல்கள் இருக்கும் வரை அந்த அன்புக் கோட்டைக்குள் அந்நியர் நுழைய முடியாது. வாழ்வின் கடைசி மூச்சு வரை காதலியுங்கள்.
💑💑💑💑💑💑
கணவன், மனைவி இருவரும் அவரவர் வேலையில் இலக்குகளை நிர்ணயித்து தீவிரம் காட்டுங்கள். ஒருவர் இலக்கை எட்ட மற்றவர் தோள் கொடுங்கள். உயர உயர அன்பின் நெருக்கம் அதிகரிக்கும்.
💑💑💑💑💑💑
பிறந்த நாள், திருமண நாள் என முக்கிய நாட்களை மறந்துவிடாமல் அன்பு செய்யுங்கள். 'நீ என் வாழ்வில் அவ்வளவு முக்கியம்' என்பதைப் புரியவையுங்கள். காதல் என்றென்றும் தித்திக்கும். ஒருவர் மற்றவரது உறவினர்களுக்கு முக்கியத்துவம் கொடுங்கள். அவர்கள் குறைகளைப் பற்றி அதிகம் பேசாதீர்கள். கணவன், மனைவிக்குள்ளான பல்வேறு சண்டைகளுக்கு இதுவே காரணம். உங்களைப் பற்றிய பாசிட்டிவான விஷயங்களைப் பகிர்ந்துகொள்ளுங்கள். இனிக்க இனிக்க வாழுங்கள். வாழ்த்துக்கள்
💑💑💑💑💑💑
கணவன் மனைவி உறவில் தாம்பத்தியம் சிறக்க பத்து வழிகள்...
💑💑💑💑💑💑
விருப்பமில்லாமல் மனைவியை வற்புறுத்தும் போது தாம்பத்தியத்தின் மீதான வெறுப்பு அதிகரிக்கவே செய்யும்.
அதி முழுமையான புரிதலான தாம்பத்தியம் வாழ்க்கை முழுவதும் அதீத அன்பையும் நெருக்கத்தையும் உண்டாக்கும்.
💑💑💑💑💑💑
பெற்றோர்கள் முடித்து வைத்த திருமணமாக இருந்தாலும், காதல் மணம் புரிந்த தம்பதியராய் இருந்தாலும் மணமொத்த தம்பதியராய் வாழ்க்கை முழுக்க வாழவே கணவன் மனைவி இருவரும் விரும்புவார்கள்.
கண்ணும் கண்ணும் கலந்து காதல் புரிந்து ஊடலோடு திருமணம் செய்து கொண்ட தம்பதியர் கூட பிரிவை அதிகம் சந் தித்து வருவது வேதனை அளிக்கிறது. சமீப காலங்களாக விவாகரத்துகளின் எண்ணிக்கை அதிகரித்துவருவதே தம்பதிய ரின் அன்னியோன்யம் குறைந்து வருவதற்கு எடுத்துக்காட்டாக சொல்லலாம்.
💑💑💑💑💑💑
பொருளாதார பிரச்சனை, குடும்பத்தில் சிறு சச்சரவுகள், குழந்தை வளர்ப்பு, உடல் ஆரோக்கிய குறைபாடு இவையெல் லாம் தம்பதியருக்குள் எவ்வித பிளவையும் பெரிதாக உண்டாக்குவதில்லை. ஆனால் மனதையும் உடலையும் மகிழ்ச்சி யாக்கும் தாம்பத்தியத்தில் நேரும் குறைபாடே இருவருக்குள் இருக்கும் அன்னியோன்யத்தைக் குறைத்து விரிசலை அதிக மாக்கிவிடுகிறது.
💑💑💑💑💑💑
மகிழ்ச்சியான தாம்பத்தியத்தைத் தவிர்க்காமல் இருவருக்குள் நெருக்கம் அதிகமாக தம்பதியர் என்னவெல்லாம் செய்ய வேண்டும் என்று தெரியுமா?
💑💑💑💑💑💑
உறவை பலப்படுத்திக்கொள்ளுங்கள்
ஆயுளுக்குக்கும் பலப்பட வேண்டிய உறவு என்றால் அது கணவன் மனைவி உறவுதான். கூட்டுக்குடும்பங்களில் தனிமை யில் மட்டுமே கிடைக்கப்பட்ட தாம்பத்தியம் இன்று தனிக்குடும்பங்களில் போதிய இடவசதி, ப்ரைவஸி, நேரம் எல்லாம் இருந்தும் தாம்பத்தியத்தில் பிரச்சனை என்பது கேள்விக்குறியதாகவே இருக்கிறது.
💑💑💑💑💑💑
குடும்பத்தின் கட்டமைப்பு என்பது கணவன் மனைவி உறவு பலத்தில் தான் என்பதை இருவருமே புரிந்து கொள்ளுங்கள். திருமணமான புதிதில் இருந்த தாம்பத்திய மகிழ்ச்சி வாழ்வு முழுமைக்கும் தொடர தாம்பத்தியத்தில் இடைவெளியை அதிகப்படுத்தாதீர்கள். அதிமுழுமையான புரிதலுடன் கூடிய தாம்பத்தியம் உங்கள் வாழ்க்கை முழுவதும் மகிழ்ச்சியை அளிக்கும் என்பதை இருவருமே உணருங்கள்.
💑💑💑💑💑💑
குழந்தையைக் காரணம் காட்டாதீர்கள்
கணவன் மனைவி இருவருக்குமான உறவில் குழந்தையின் வரவு மகிழ்ச்சிக்குரியதாக இருக்க வேண்டும். கணவன் விருப் பத்தோடு அழைக்கும் போது குழந்தையைக் காரணம் காட்டி விலகி செல்லாதீர்கள். குழந்தையைக் கவனிக்கும் பொறுப்பு இருவருக்குமே உண்டு என்று வாக்குவாதமும் செய்யாதீர்கள்.
குழந்தையின் உறக்கத்துக்குப் பிறகு என்று உங்களவரை சமாதானம் செய்து குழந்தைப் பராமரிப்பை அவரிடமும் ஒப்படையுங்கள். உங்கள் விருப்பத்தைப் புரிந்து கொண்டு அவரும் குழந்தை வளர்ப்பில் மகிழ்ச்சியாக ஈடுபடுவார்.
💑💑💑💑💑💑
பணிச்சுமைக்கு தோள் கொடுங்கள்
இருவருமே வேலைக்கு செல்லும் சூழலில் உங்கள் மனைவி களைப்பில் வரும்போது சில நேரங்களில் உடலுறவு கொள்வதில் விருப்பமில்லாமல் இருப்பார். மீறி அவரை வற்புறுத்தும் போது உங்களின் வெறுப்புக்கு உள்ளாக நேருமோ என்ற அச் சத்தில் அடிபணிவார். இது இனிமையான தாம்பத்தை அளிக்காது. நாளடைவில் தாம்பத்தியத்தின் மீது அதிகப்படியான வெறுப்பையே அவருக்கு உண்டாக்கிவிடும்.
💑💑💑💑💑💑
அத்தகைய தருணங்களில் மனைவியை வற்புறுத்தாமல் கணவன் ஆதரவாக இருப்பது மற்றொரு வகை அன்பான தாம்பத் தியத்தைக் காட்டும். அடுத்துவரும் நாட்களில் மனைவியின் அன்பில் இதை உணரலாம்.
💑💑💑💑💑💑
பெரும்பாலும் உடலுறவு தேவையை வெளிப்படுத்துவது கணவன் தான். மனைவியின் தேவையை உணர்ந்து செயல்படும் கணவனுக்கு தாம்பத்தியமும் இனிக்க கிடைக்கும் என்கிறார்கள் உளவியலாளர்கள். கரிசனமான அன்பு, பரிவான வார்த்தை இவைதான் பெரும்பான்மையான மனைவியின் எதிர்பார்ப்பாக இருக்கிறது.
💑💑💑💑💑💑
என்னுடைய தேவையை கவனிக்கும் ஒரே பெண் நீ மட்டும்தான் என்னும் கணவனின் வெளிப்படையான அன்பும் பேச்சும் மனைவியின் அன்பை மொத்தமாக பெறச்செய்கிறது. உறவுகள் முன்னிலையிலும் பொதுப்படையான அன்பை வெளிப்ப டுத்த இருவருமே தயங்க வேண்டாம்.
💑💑💑💑💑💑
விருப்பு வெருப்பு வேண்டாம்
தனிப்பட்ட முறையில் இருவருக்கும் இருக்கும் ஆசைகளைத் தங்களுக்காக மாற்றிக்கொள்ள வேண்டும் என்ற எதிர்பார்ப்பு வேண்டாம். இருவரது உறவினர்களைப் பற்றியோ குடும்ப உறுப்பினர்கள் குறித்தோ குறைகளை அடுக்காமல் அவரவர்க ளது இயல்பு அப்படிதான் என்னும் மனநிலைக்கு கணவன் மனைவி இருவருமே வருவது பல சமயங்களில் பல பிரச்சனைக ளைக் கட்டுப்படுத்தும்.
💑💑💑💑💑💑
இந்தத் தருணங்களில் இறுதி வரை ஒன்றாக இணைந்து வாழ்வது இருவர் மட்டும்தான் என்னும் மனநிலையை வலுவாக்குங் கள். குறைகளை சுட்டிகாட்டி பேசுவதும் மனதில் வெறுப்பை உண்டாக்கும். முக்கியமாக பிரச்சனைகளைப் பெரிதாக்கா மல் இருவரும் பொறுமையாக பேசி முடிவு செய்ய வேண்டும் என்பதை ஒரு கொள்கையாக வைத்திருங்கள். ஒருவருக்காக ஒருவர் மாற்றி கொள்வதை விட இருவரும் இணைந்து ரசிப்பது பல நேரங்களில் இல்லற வாழ்க்கையை சுவாரஸ்யமாக்கும்.
💑💑💑💑💑💑
தனிமையில் கோபம்
தவறு செய்தவர் யாராக இருந்தாலும் தனிமையில் வெளிப்படுத்துங்கள். இருவரது பொதுவான எதிர்பார்ப்பும் இதுதான். குழந்தைகள், பெரியவர்கள் முன்னிலையில் இருவருக்குள்ளும் வாக்குவாதத்தைத் தவிர்ப்பது உங்கள் தாம்பத்திய வாழ்க் கையில் பிரச்சனையை உண்டாக்காது.
💑💑💑💑💑💑
ஒருவர் மீது மற்றொருவர் கோபமாக இருந்தாலும் தவறு செய்தவர் தான் மன்னிப்பு கேட்க வேண்டும் என்றில்லாமல் ஈகோ பார்க்காமல் பேசிவிடுங்கள். ஊடலில் கூடல் என்பது இருவருக்குமே அன்பின் ஆழத்தைப் புரிய வைக்கும்.
💑💑💑💑💑💑
எப்போதும் பளிச் புன்னகை
புன்னகை எல்லாவற்றுக்குமே அருமருந்து. உங்கள் துணையிடம் எப்போதும் எரிந்துவிழாமல் ஒருவருக்கொருவர் பேசும் போதெல்லாம் புன்னகையான முகத்துடன் எதிர்கொள்ளுங்கள். டென்ஷனையும் பிரச்சனைகளையும் சச்சரவுகளையும் சந்திக்காமல் யாருமே இல்லை.
💑💑💑💑💑💑
வாழ்வில் சந்திக்கும் இவற்றைக் கையாள அருமையான தோழமை போதும். அது உங்களவராக இருந்தால் எத்தனை சவால் களையும் சாமார்த்தியமாக கடந்துவிடலாம். அதனால் புன்னகையோடு முடிந்தால் எப்போதும் ஒரு ஐ லவ் யூ வோடு பேசுங்கள். நாள் முழுக்க இருவருமே மனதில் பட்டாம்பூச்சி பறக்க வலம் வருவீர்கள்.
💑💑💑💑💑💑
ஆழமான முத்தம்
உடலுறவு மட்டுமே தாம்பத்தியம் என்று நினைக்காமல் உங்கள் துணை உங்கள் எதிர்பார்ப்பை பூர்த்தி செய்யும் போதெல் லாம் ஒரு முத்தத்தைக் கொடுத்துவிடுங்கள். எதிர்பாராத நேரத்தில் கிடைக்கும் இந்த அன்பான ஊடல் பரிசு உங்கள் துணையின் சோர்வை விரட்டியடிக்கும். உங்கள் மீதான கோவத்தையும் பொடியாக்கிவிடும். நேரம் காலம் இல்லாமல் கொடுக்கும் இந்தப் பரிசு நீங்கள் தேடி தேடி வாங்கும் விலை மதிப்புள்ள பரிசை விட சிறந்த பரிசு.
பலமான உறவை பலவீனமாக்கும் ஆண்களின் தவறுகள்!
💑💑💑💑💑💑
உறவிலும் புதுமை
தாம்பத்தியம் மகிழ்ச்சியாக இருக்கும் பட்சத்தில் அடுத்த நாள் முழுவதும் புத்துணர்ச்சியாக வேலை பார்க்க உதவும். இதை ஆய்வுகளும் உறுதிபடுத்தியிருக்கின்றன. ஒரே மாதிரியாக உறவு கொள்ளாமல் உறவு புரிவதிலும் அவ்வபோது மாற்றங்களைச் செய்யுங்கள். இது உடலுறவில் ஈர்ப்பை அதிகரிக்கும்.
💑💑💑💑💑💑
புதுமையான முறையில் உறவில் ஈடுபடுவதோடு உங்கள் துணையின் விருப்பமும் முக்கியம். அன்பை வெளிப்படுத்திக் கொள்வதில் இருக்கும் மகிழ்ச்சியைப் போல் தாம்பத்தியத்தில் விருப்பத்தைத் தெரிவிக்கும் போதும் இரட்டிப்பாகவே இருக் கும். மேலும் தாம்பத்தியத்தில் நெருக்கம் அதீத அன்பை இருவருக்குள் உண்டாக்கும்.
💑💑💑💑💑💑
உறவுக்கு பிறகு
உறவுக்கு பிறகான நேரங்களில் இருவருமே அன்றாடம் இருவரும் எதிர்கொள்ளும் பிரச்சனைகளை எப்படி செய்யலாம் என்று ஆலோசனை செய்யுங்கள். அது குழந்தைகள் கல்வி முதல் குடும்ப பொருளாதாரம் வரையும் இருக்கலாம். உங்கள் தாம்பத்தியம், ஊடல், கோபம், வருத்தம் எதுவாகவும் இருக்கலாம்.
💑💑💑💑💑💑
உறவுக்கு பின் உங்கள் துணையின் மீது இருக்கும் தவறை சுட்டிக்காட்டினாலும் அத்தருணத்தில் அவர்கள் வாதம் செய்யா மல் அதைப் புரிந்து கொள்வார்கள். கணவன், மனைவி இருவருக்குமே இது பொருந்தும்.
💑💑💑💑💑💑
மேற்கண்ட பத்து குறிப்புகளையும் கடைப்பிடித்தால் அன்பில் மட்டுமல்ல தாம்பத்திய வாழ்க்கையிலும் அன்னியோன்யம் அதிகரிக்கும். ஆயுள் முழுமைக்கும் ஆதர்சன தம்பதியராய் வாழலாம்.
💑💑💑💑💑💑
🌷🌷🌷🌷🌷🌷
உடல் ஆரோக்கியமாக இருந்தால்தான் சிந்தனை தெளிவாக இருக்கும் சிந்தனை தெளிவாக இருந்தால் தான் குடும்பம் மகிழ்ச்சியாக இருக்கும்🌷 ஆரோக்கியத்தை காப்போம் மகிழ்ச்சியுடன் இருப்போம்.
🤭🤭🤭🤭🤭🤭
உடலில் உள்ள எல்லா உடல் நல குறைபாடுகளையும் சரிசெய்ய இயற்கை வாழ்வியல் முறை சார்ந்த ஆலோசனைகள் வழங்கபடும்.
💞💞💞💞💞💞
நன்றி : பெருசங்கர், 🚎 ஈரோடு மாவட்டம், பவானி.
செல் நம்பர் ((6383487768))📞
வாட்ஸ்அப் ((7598258480))
💑💑💑💑💑💑
குரு வாழ்க குருவே துணை
🙏🏻🙏🏻🙏🏻🙏🏻🙏🏻🙏🏻
No comments:
Post a Comment