Student Education Repository (மாணவர்கள் கல்விக் களஞ்சியம்): புத்தனாம்பட்டி, நேரு நினைவுக் கல்லூரியில் சம பகல் இரவு நாள் மூலம் பூமியின் ஆரத்தை கணக்கிடும் ஆய்வு.

Thursday, March 21, 2024

புத்தனாம்பட்டி, நேரு நினைவுக் கல்லூரியில் சம பகல் இரவு நாள் மூலம் பூமியின் ஆரத்தை கணக்கிடும் ஆய்வு.

புத்தனாம்பட்டி, நேரு நினைவுக் கல்லூரியில் சம பகல் இரவு நாள் மூலம் பூமியின் ஆரத்தை கணக்கிடும் ஆய்வு.

சம இரவு நாள்(Equinox) என்பது சூரியன் நிலநடுக்கோட்டினை கடந்து செல்லும் நாளாகும். ஆண்டுக்கு இருமுறை சூரியன் இவ்வாறு நிலநடுக்கோட்டினைக் கடப்பது நிகழும். இந்நாட்களில் இரவும் பகலும் ஒரே அளவாக (ஏறத்தாழ 12 மணி நேரம்) இருக்கும். சம இரவு நாட்கள் என்று நிகழும் என்பது நிலநடுக்கோட்டிலிருந்து எத்தனை தொலைவு தள்ளி அளக்கப்படுகிறது என்பதைப் பொறுத்தது. சாதாரணமாக மார்ச் 21 அன்றும் செப்டம்பர் 22 அன்றும் இவை நிகழும்.

நேரு நினைவு கல்லூரி, இயற்பியல் துறை மற்றும் NMC அஸ்ட்ரோ கிளப் ஆகியவை இணைந்து சம பகல் இரவு நாள் நிகழ்வு நடத்தியது. கல்லூரி தலைவர் பொறியாளர் பொன்.பாலசுப்பிரமணியன், கல்லூரி செயலர் திரு.பொன். ரவிச்சந்திரன் கல்லூரி முதல்வர் முனைவர் அ.வெங்கடேசன், சுயநிதி பிரிவு ஒருங்கிணைப்பாளர் முனைவர். மீனாட்சி சுந்தரம் ஆகியோர் முன்னிலை வகித்தார். இயற்பியல் துறை பேராசிரியர்கள் கபிலன், ரமேஷ், ரமேஷ் பாபு, முருகானந்தம், ரக்ஷனி மற்றும் கல்லூரி மாணவ, மாணவிகள் உள்ளிட்டோர் முன்னிலை வகித்தார். இன்று 21.03.24 வியாழக்கிழமை மதியம் 12:18 மணி அளவில் சோதனை மூலம் சம பகல் இரவு நாள் நிகழ்வு மாணவ மாணவிகளுக்கு காண்பிக்கப்பட்டது. இதில் மாணவ மாணவிகள் பூமியின் ஆரத்தை ஏறத்தாழ சரியாக கணக்கிட்டனர்.