Student Education Repository (மாணவர்கள் கல்விக் களஞ்சியம்): நேரு நினைவு கல்லூரியில் தரவு அறிவியல் பிக் டேட்டா கருத்தரங்கு.

Tuesday, February 21, 2023

நேரு நினைவு கல்லூரியில் தரவு அறிவியல் பிக் டேட்டா கருத்தரங்கு.

நேரு நினைவு கல்லூரியில் தரவு அறிவியல் பிக் டேட்டா கருத்தரங்கு.

நேரு நினைவு கல்லூரி புத்தனாம்பட்டி தரவு அறிவியல் துறை 20/2/2023 அன்று பிக் டேட்டா மற்றும் பிரிடிக்டிவ் அனலிடிக்ஸ் என்ற தலைப்பில் ஒரு கருத்தரங்கை ஏற்பாடு செய்திருந்தது. தரவு அறிவியல் துறை தலைவர் திருமதி என்.கல்பனா மற்றும் கணினி அறிவியல் துறை தலைவர் டாக்டர் எம். முரளிதரன் ஆகியோர் வரவேற்றனர். கல்லூரி முதல்வர் முனைவர் ஏ. ஆர். பொன்பெரியசாமி அவர்கள் தொடக்க உரையாற்றினார்.கல்லூரி தலைவர் இன்ஜினியர். பொன் பாலசுப்ரமணியம் அவர்கள் உரை நிகழ்த்தினார். கல்லூரி செயலாளர் திரு பொன் ரவிச்சந்திரன் அவர்கள் நிகழ்ச்சியை பாராட்டி பேசினார். கல்லூரி பொதுக்குழு உறுப்பினர் திரு சூர்யா பாலசுப்ரமணியம் அவர்களும் இந்த அமர்வில் ஆர்வத்துடன் கலந்து கொண்டார். டேட்டா சயின்ஸ், கம்ப்யூட்டர் சயின்ஸ் மற்றும் எம்.சி.ஏ ஆகியவற்றில் இருந்து சுமார் 200 மாணவர்கள் பங்கேற்று பிக் டேட்டா மற்றும் பிரிடிக்டிவ் அனலெட்டிக்ஸ் தொடர்பான தரவுகளை பெற்றனர்.

மேலும் வேலைவாய்ப்புகள் பற்றி அறிந்து கொண்டனர். வளவாளர் திரு ஆர்.குப்புசாமி அவர்கள் எங்கள் கல்லூரியின் முன்னாள் மாணவர் மற்றும் இயக்குனர் ஐ .டி தேசிய தகவல் மையம், மின்னணுவியல் மற்றும் தொழில்நுட்ப அமைச்சகம், இந்திய அரசு, சென்னை, நிகழ் நேர எடுத்துக்காட்டுகளை பயன்படுத்தி பிக் டேட்டா மற்றும் பிரிடிக்டிவ் அனலிடிக்ஸ் பகுப்பாய்வு பற்றி பேசினார். அவர் ஆழமான விளக்கங்கள் வழங்கினார். வாழ்க்கையில் வெற்றி பெற மாணவர்கள் தங்கள் விருப்பங்களை பின்பற்ற வேண்டும் என்று அவர் கேட்டுக் கொண்டார். ஒவ்வொரு தொழில்நுட்பத்தையும் மாணவர்கள் புரியும் வகையில் எளிமையாக விளக்கினார் . ஒரு நல்ல வேலையை பெறுவதற்கு மாணவர்கள் என்ன கவனம் செலுத்த வேண்டும் என்பதை அவர் மாணவர்களுக்கு விளக்கினார். மாணவர்கள் தங்களுக்கு என்று தனிப்பட்ட இலக்கை நிர்ணயித்துக் கொண்டு அதை நோக்கி உழைக்க வேண்டும் என்றார். மேலும் மாணவர்களை தினமும் யோகா செய்ய தூண்டினார். இந்த அறிவு சார்ந்த நிகழ்ச்சி இனிதே நிறைவடைந்தது.