Student Education Repository (மாணவர்கள் கல்விக் களஞ்சியம்): நேரு நினைவுக் கல்லூரியில் உலகத் தாய்மொழி தின கருத்தரங்கம்.

Thursday, February 23, 2023

நேரு நினைவுக் கல்லூரியில் உலகத் தாய்மொழி தின கருத்தரங்கம்.

நேரு நினைவுக் கல்லூரியில் உலகத் தாய்மொழி தின கருத்தரங்கம்.

புத்தனாம்பட்டி நேரு நினைவுக் கல்லூரியில் தமிழாய்வுத் துறை சார்பாக திருவள்ளுவர் தமிழ் மன்றம் நடத்தும் உலகத் தாய்மொழி தின கருத்தரங்கம் 23-02-2023 அன்று வியாழக்கிழமை காலை 10 மணி தொடங்கி மாலை 3 மணி வரை நடைபெற்றது. கல்லூரித் தலைவர் பொன். பாலசுப்பிரமணியன், கல்லூரி செயலர் பொன். இரவிச்சந்திரன் அவர்கள் நிகழ்ச்சியில் முன்னிலை வகுத்து தாய் மொழியின் பெருமைகளை எடுத்துக் கூறினார்கள். கல்லூரி முதல்வர் முனைவர் அ.இரா.பொன் பெரியசாமி அவர்கள் தலைமையுரை யாற்றினார். தமிழாய்வுத் துறைப் பொறுப்பாளர் முனைவர் சி. பிரபாகரன் வரவேற்புரை நல்கினார் கல்லூரி ஒருங்கிணைப்பாளர் முனைவர் மு. மீனாட்சி சுந்தரம் அவர்கள் உலகத் தாய்மொழி தினம் கொண்டாடுவதன் அவசியத்தை எடுத்துக் கூறி வாழ்த்துரை வழங்கினார்.

காலை 10 மணிக்கு தொடங்கிய முதல் அமர்வில் பேசிய பிருந்தா (திருச்சி மாவட்ட செய்தியாளர் புதிய தலைமுறை தொலைக்காட்சி) அவர்கள் ஊடகத்துறையில் தமிழ் மாணவர்கள் பணியாற்ற விரும்புபவர்கள் தன்னம்பிக்கை, தேடல், தமிழை இலக்கண பிழையின்றி பேச எழுதும் திறமை இருந்தால் ஊடகத்துறையில் நுழைவதற்கு ஏதுவாக அமையும் என்று மாணவர்களுக்கு அறிவுரை வழங்கினார்.

மேலும் மதியம் 1 மணிக்கு தொடங்கிய இரண்டாவது அமர்வில் பேசிய முனைவர் மு .சேரன் (தொல்லியல் ஆராய்ச்சி நிபுணர்) ஆதித்தமிழன் பயன்படுத்திய பொருட்களின் சிறப்புகள், யவணர்கள் பற்றிய குறிப்புகள், சங்க இலக்கியத்தில் தொல்லியல் சார் குறிப்புகள், பழந்தமிழர்களின் உணவு முறைகள் ,பழக்க வழக்கங்கள் குறித்து அனைத்து செய்திகளையும் எடுத்துரைத்தார்.

தமிழ்த் துறைப் பேராசிரியர் முனைவர் மு. புனிதவதி நன்றியுரை கூறினார். இளங்கலைத்தமிழ் இரண்டாமாண்டு மாணவிகள் ராஜேஸ்வரி கமலா ஸ்ரீ நிகழ்ச்சிகளைத் தொகுத்து வழங்கினர்.